Dembele: Messi ende i rrezikshëm, e përmendë pesë favoritet për Kupën Botërore 2026

Franca përgatitet këtë verë për të përsëritur performancën e saj në dy edicionet e fundit të Kupës Botërore FIFA dhe për të luftuar përsëri për titullin. Ousmane Dembélé, sulmuesi i Paris Saint-Germain, shpreh besimin e tij në ekip, por e sheh gjithashtu të fortë konkurrencën, përfshirë Argentinën e Lionel Messiut.

Në një intervistë për Marca, Dembélé u pyet nëse beson se Messi mund të fitojë një tjetër Kupë Botërore. “Sigurisht, ai mund të fitojë çdo trofe që ekziston. E kam parë tashmë në Barcelona,” tha ai, duke iu referuar katër sezonëve që kaloi me Lionel në Spanjë nga viti 2017 deri në 2021. Futbollisti i PSG-së e kundërshtoi idenë se moshat e Messiut e kanë bërë të pamundur konkurrencën në nivelin më të lartë: “Kjo s’mund të ndryshojë asgjë… Ai është më i miri që kam parë ndonjëherë, më i miri që futbolli ka njohur. Ai ende është i rrezikshëm.” Sipas Dembélos, “është e vështirë ta ndalosh atë edhe në moshën 38 vjeçare; do të ketë gjithmonë cilësitë e tij. Duhet të jemi të kujdesshëm, sepse ai mund të fitojë përsëri,” duke iu referuar finales së Katarit 2022, ku Argentina fitoi në penallti pas barazimit 3-3 ndaj Francës.

Kur i kërkua Dembélos për shanset e Francës për të arritur trofeun, ai theksoi se “e dimë se kombëtarja franceze ka arritur finalen në dy edicionet e fundit, ndaj presimet janë të larta”. Sidoqoftë, ai theksoi nevojën për përqendrim në fazën grupore: “Para se të mendojmë për 16-të apo çerekfinalet, duhet të kalojmë grupin”. Futbollisti e vlerësoi Spanjën si “një ekip jashtëzakonisht i fortë kolektivisht, me lojtarë të nivelit më të lartë, ku posedimi i topit vjen natyrshëm”. Por, sipas Dembélos, “ka shumë ekipe që janë favorite në këtë garë: Spanja, e cila sapo fitoi Kampionatin Europian, Argentina, kampionët aktualë botëror, Gjermania, Portugalia dhe Anglia – të gjitha janë kombëtare të shkëlqyera”. Ai shtoi se “do të duhet të jemi të kujdesshëm edhe me ekipet që duken më pak të mundshme për të fituar”.

Në fund, Dembélé mbrojti shokun e tij Kylian Mbappé, duke iu përgjigjur kritikave të vazhdueshme ndaj tij, dhe theksoi rëndësinë e përpjekjeve mbrojtëse të ekipit para se të fillojë turneu i madh.